Üsi Gschicht
startet im 2022
Punkt 0, start vo dr band ug48
Im 2022 het in Bönige d’ Pasquale u dr Mänu d Idee gha, zäme e Bänd ds gründe. Si hei bir Pasquale daheim gmusiget, was sicher für aui Aghörige nid ganz eifach isch gsi. So sisi de gli ine Container ga üebe ufem Gländ vor Seeburg. Wo de der Toni isch derzuegschtosse, heisi vor HTI-Holzbau ä Ruum im Chäuer übercho. Die drü hei ne schön usbout, isoliert u zwägmacht. Us dere Zyt isch o ds Lied «Brassi», entschtande usem Fruscht vom Daheime-Blibe. De isch dr Mike derzuegschtosse und si hei ds viert Musig gmacht. Im Summer 2023 isch per Zuefau u Rüggewind dr Simu derzugschtosse, obschon me nid e dritte Gitarrischt het wöue. Henu, de het är haut eifach dr Bass-Poschte übernoh u dr Toni het sech vou uf ds Singe chöne konzentriere. Simu het no nacheme Trümmler gsuecht (het nüt mit Trümmlig ds Tüe im Fau), u das ir Person vom Marc gfunge. Nach de Summerferie im 2023 isch d Band UG48 komplett gsi.
Bärndütschi Lieder, aues säuber komponiert u arrangschiert, das zeichnet die Band us. Muesch haut eis cho lose, immer am Mittwuchabe simer am üebe, teu chli länger, es paar si scho gli müed. Aui die woni vergässe ha ds erwähne: Es tuet mer leid, aus Chronischt touge i wou nüt.
Forza UG48!
Bärndütschi Lieder, aues säuber komponiert u arrangschiert, das zeichnet die Band us. Muesch haut eis cho lose, immer am Mittwuchabe simer am üebe, teu chli länger, es paar si scho gli müed. Aui die woni vergässe ha ds erwähne: Es tuet mer leid, aus Chronischt touge i wou nüt.
Forza UG48!