Me gloubts chum: UG48 macht dr Uftakt zur Sommerbühne im Oscht. So cool. Ds erschte Mau mit Publikum, wo mir nid persönlich iglade hei, sondern wo verbi louft, es Bier trinkt, chli höcklet u üsere Musig zuelost. Mir fröie üs ungloublech am 5. Juli am Abe um 19:00 vor der Jugendherberge 3a in Interlaken dörfe zspile. Chömet cho los, löt nech i uf nöi Kläng und Harmonie, mir wärde aues gä, damit dir e schöne Abe, churz vor de Summerferie, dörft ha. Nämet doch chli Lüt mit, jung u alt, Nachbarä oder Verwandti, Fründe oder grad dini ganzi Bude: Es Fürabebier, öppis z'Chnabere u Musig vo UG48.. Dr Summer cha cho!
0 Comments
«Fantastisch, dr Hammer, soumässig guet, eifach wunderbar..» So hets tönt nach üsem 1. Konzärt im TOPOFF vom letschtä Samschtig.
UG48 het abgliferet, isch ufd Bühni, het gmusiget und ihri 16 Stück präsentiert. Ds beschte Publikum het d Tanzet, mitgsunge und klatschet: Merci, dir sit wunderbar! Ohni öich wäri das gar nid müglech gsi. Danke für e Obulus id Kofere, das isch sehr lieb vo öch. Es risegrosses Dankeschön geit vor auem a: Mario am Mischer füre guet Ton, a Marco, zwe ganzi Täg aus Rowdie, a Küre bim Fotografiere vo dene Hammer-Föteli, a Silas für sini wunderbare Lieder aus Solist, a ds Team vor Seeburg für das feine Catering, a Urs für die glasklaare Tonufnahme, ad Erica für ihres Sofa, vor auem aber a öich liebs Publikum. Danke, dass dr sit cho, danke dass dir o Fröid heit a üsere Musig! P.S.: Me ghört munkle, UG48 plan scho ihres nächschte Konzärt für im Herbscht... We da öppis dranne isch, de mäude mir üs sofort bi öich, da chöit dr sicher si! Scho sehr gli isches sowit: üses erschte konzärtAm Samschti, 17. Februar 2024, geits los. Mir schpile üses erschtä Konzärt vo üsere gmeinsame Karriere. Im Topoff, nid wit vom Üebigschäuer im UG48 entfernt, schtigt üsi erschti Party. D Vorfröid isch riisig, mir hei es haubs Jahr büglet derfür u platze fasch vor Schtouz, öich üsi Lieder ds zeige. Wed ke Ihladig hesch, päch, de chunsch eifach ds nächschte Mau. Die wo chöi cho, mir fröie üs uf öich. Bis gli, im Topoff.
Wiehnachte isch düre, mir hei schön zäme gfiret. Üses erschte chline Konzärt, im UG, mit üsne Liebe. Suppe, Züpfe, Gebäck und sehr schöni Musig hets gä. Eifach wunderschön. Merci a aui, wonis ungerstütze bim Musige, es fägt.
|
Outor
Dr Bassischt schribt no chli näbebi ar Website Archives
February 2024
Categories |