«Fantastisch, dr Hammer, soumässig guet, eifach wunderbar..» So hets tönt nach üsem 1. Konzärt im TOPOFF vom letschtä Samschtig.
UG48 het abgliferet, isch ufd Bühni, het gmusiget und ihri 16 Stück präsentiert. Ds beschte Publikum het d Tanzet, mitgsunge und klatschet: Merci, dir sit wunderbar! Ohni öich wäri das gar nid müglech gsi. Danke für e Obulus id Kofere, das isch sehr lieb vo öch. Es risegrosses Dankeschön geit vor auem a: Mario am Mischer füre guet Ton, a Marco, zwe ganzi Täg aus Rowdie, a Küre bim Fotografiere vo dene Hammer-Föteli, a Silas für sini wunderbare Lieder aus Solist, a ds Team vor Seeburg für das feine Catering, a Urs für die glasklaare Tonufnahme, ad Erica für ihres Sofa, vor auem aber a öich liebs Publikum. Danke, dass dr sit cho, danke dass dir o Fröid heit a üsere Musig! P.S.: Me ghört munkle, UG48 plan scho ihres nächschte Konzärt für im Herbscht... We da öppis dranne isch, de mäude mir üs sofort bi öich, da chöit dr sicher si!
1 Comment
Hanni Wisler
2/19/2024 07:25:49 am
Bombe Konzärt gsy wieter so freue mi ufs nägste Konzärt und hoffentlich o ä Tonträger
Reply
Leave a Reply. |
Outor
Dr Bassischt schribt no chli näbebi ar Website Archives
February 2024
Categories |